khawab mein chuha dekhne ki tabeer online,
hazrat ibn e sereen ne farmaya hai k khwab mein chuha aurat hai jo zahir main parsa aur batin mein badkaar hai, aur agar dekhe keh us ne chuhe ko pakra hai ia us ko kisi ne diya hai to daleel hai keh mazkorah bala sift ki aurat karega, aur agar dekhe keh us ne chuhe ko table mien pakra hai to daleel hai keh makrohila se aurat karega, aur agar dekhe keh us kay ghar mein bohat se chuhe jama hoye hain aur sab aik hi tarah kay hain, daleel hai keh un chohon kay mutabiq aurten us kay ghar mein jama hongi, aur agar dekhe keh mukhtalif tarah kay chuhe hain chunancha baaz siyah aur sufaid hain to daleel hai keh us ki taveel ka khalaf raat aur din ka hai, hadees shareef mein hai, sarkar e do aalam saw nay farmaya hai keh raat aur din do chuhe hain jo logon ko kutarte hain,
hazrat jabar maghrabi nay farmaya hai, agar dekhe keh ghar mein jangli chuhe aae hain to daleel hai keh us jaga na bekaar aurten jama hongi, aur khwab mein chuhon ki taveel maal aur fasadi aurton ka samaan hai, aur khanagi aur jangi chuha khwab mein taveel kay lehaaz se masavi hai,
hazrrat ismaeel ashat ne farmaya hai agar dekhe keh us ne choha pakra hai aur us ki dum nahi hai to daleel hai keh bay asal aurat karega, aur agar dekhe keh chuha us kay hath mein mara hai to daleel hai keh us par museebat aegi, aur agar dekhe us ne chuha paon se mala hai to daleel hai keh badkar aurat kar keh chorega, aur agar dekhe keh chuhe par pathar phenka hai to daleel hai keh kisi ko tohmat lagaega, aur agar dekhe keh bistar mein chuha hai to daleel hai keh kisi badkar aurat se fasaad ka irada karega, aur agar dekhe keh us ne chohe ko khaya hai to daleel hai keh nabekar aurat ka maal khaega.